سيوفي التكريتي مشرف قسم الاغاني العراقية
عدد المشاركات : 680 رقم العضوية : 19 نقاط : 6429 تاريخ الميلاد : 12/07/1991 العمر : 32 الانتساب للمنتدى : 05/07/2009
| موضوع: اللون الازركَ .... غزل .... 2009-10-01, 18:26 | |
| شحلاة اللـــــــون الازركَ لمـن تلبسيه
مو ياهو اليجي وكَـــــال البس الازركَ
بحر لا مو بحر كل مرســـى ماظن بيه
وسفـّان اليشوفــــــــــــچ بالحلم يغركَ
ياليل الشعر عسعـــــــــس عليه الشال
ونفس وجه الفجـــــر من خدچ اتنشّكَ
حبال الصوت .. هـــاي الغيرچ وتنكَال
حنجرتچ بــــــــــــــــلابــــل بيها تتلبّكَ
وياليمون خــــــــدچ مــدري من رمان
المهم.. ريكَي نشــف من كثر ما مطـّكَ
ويالعندچ خصر ارهــــابي شايل سيف
يذبح بينه.. بالله شلــــــــــــون مانبغكَ
ﭽـا.. قاسم.. عطا مايـــدري بينه شبيه
يصّرح: بالوضع آمـــــن ..منو الصدّك!
يعتكَ كل امر تمضـــــــــــــي عليه ايام
بس حسنچ حضـــــاره تلالي من تعتكَ
وطكَ كَلبي غرامـــــــچ حيل اوجر بيه
من طبع العشـــــــــــاير تفصل الينطكَ
ولغيناها الســـواني لحسـنـچ استثناء
يعمي احنه النمشـّـــي وانتي ام الحكَ؟!
طرف جدمچ زهـــكَ من احتلال الثوب
طفر حلك الدرب وبطــــــــارفه اتعشّكَ
ولهذا السبب شــــــــارعنه دكَ طسات
لان بذيال ضلـّــــــــــــــچ ﭽبده يتلزّكَ
وخطيه الليل ضـــــــــــايع لمن تمرين
بدرين انـﭽفــــــــــــن من عودچ الدّنكَ
اللحّكَ عليچ وشــــــــــــاف ضلچ طاح
والماطاح بعـــــــــــــــدچ يعني مالحّكَ
ولهذا السبب حيــــــــــن التصد اعليچ
وهيّه اعله الرصـــــيف الناس تتسحّكَ
للسوكَ الخلكَ تتعــــــــــنه هيج نشوف
وانت السوكَ اجــــــــــاچ يريد يتسوّكَ
مخضر .. فاكهه.. والتين والـــــزيتون
اعناب ودلال وطـــــــــيب.. شيل الّحكَ
وبالضوكَ العسل مشــــروطه من ينباع
واذا شفتچ عسل .. ﭽــاغير نتضوّكَ؟!
شَهد كلچ شهَد سبحـــــــان من سواچ
وابشيرة حلاتچ جفـــــــــــــــني يتدبّكَ
اللواكَه بكل وكت منبـــــــوذه انا وياچ
بس لجلچ تصير الحســــــــــنى نتلوّكَ
ويقهرني امن اشوفـج ماكو ابو نواس
واجيب امنين شـــــــــــاعر بيچ يتغزل
خلص كل الوصف ماضـّـلت النه افكار
وبحر شعر الغـــــــــزل يم شفتچ وشّل
يافتنــــــــــه وفقط مو بالحـيـــــاة اهنا
اليوم الحشر هــــــــــــــم فتنتچ توصل
تجين ابيض كتــــابچ كــل حرف مابيه
ملكچ داخ بيچ وكـــــــــــلشي ما سجّل
خف وزني وصـــــــــرت ياناس شكَفه
وباليسطر سطــــــــــــــر شتفيد شكَفه
كَفه عني رشيــــــــــــــق الطول شكَفه
وجهه من كَفــــــاه ينشاف ضيّه | |
|
حمزة الدوري الـمدير العام
عدد المشاركات : 2166 رقم العضوية : 25 نقاط : 59304 تاريخ الميلاد : 02/02/1993 العمر : 31 الانتساب للمنتدى : 21/09/2008 علم دولتي : الــــــــمـــــــــزاج :
الاوسمة :
| موضوع: رد: اللون الازركَ .... غزل .... 2009-10-06, 00:53 | |
| شكرا عاشت ايدك الون الازرق جميل | |
|
love me if you can عضو متفدم
عدد المشاركات : 29 رقم العضوية : 1 نقاط : 5378 تاريخ الميلاد : 05/03/1988 العمر : 36 الانتساب للمنتدى : 31/07/2009
| موضوع: رد: اللون الازركَ .... غزل .... 2009-10-25, 00:39 | |
| يا حبيبي يا سيوف التكريتي مبدع ومميز ربي لا يحرمنا من اشعارك وألوانك الطيبه تحياتي يا غالي | |
|