منتديات تكريت _ منتديات تكريت الحبيبة _ منتديات جامعة تكريت
أهلا وسهلا بك عزيزي

الزائر المنتدى انتقل الى هذا الرابط

http://eb2a2.com/vb/index.php


منتدى , ثقافي , اجتماعي , شبابي
 
الرئيسيةس .و .جبحـثقائمة الاعضاءالمجموعاتالتسجيلدخولدردشة تكريت الحبيبة للأعضاء فقط

شاطر | 
 

 جايبلكم مجموعة ابو ذيات تخبل واتمنى تشوفوها حبايب...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نديم السامرائي
نائب المدير
نائب المدير


عدد المشاركات : 75
رقم العضوية : 8
نقاط : 2739
تاريخ الميلاد : 27/03/1988
العمر : 28
الانتساب للمنتدى : 28/09/2009
علم دولتي : العراق
الــــــــمـــــــــزاج : يراقب
ذكر

مُساهمةموضوع: جايبلكم مجموعة ابو ذيات تخبل واتمنى تشوفوها حبايب...   2009-10-08, 03:14

اليوم جايبلكم مجموعة ابو ذيات منتقاة احبها ودائما ارددها ويه نفسي ومنوعه طبعا


بعدني الزمن عن حضنك بعدني
وبعدني اشتاك لعيونك بعدني
بعد عمي وبعد خالي وبعدنـي
وبعد كلمن بالنسب يعود اليه...


افرمت كلبي اريدن والغي رامه
واشيل الشوك منه والغرامـــه
عليك انته المخطط والغرامــه
لأن شوكك كسر ظلعين اليــه...


عرفتك وعرفت لغزك وحــلاك
وحك من جملك يسمر وحــلاك
من ايدي جذب اهدنك واحلاك
لانك روحي وفراكك منيـــه...


صرت مجرم بحبك من برانــــي
وصرت شاطي لحنانك من بر اني
وصرت لاجلك قصيده ومنبر انـي
وصرت انته الحروف الابجديــه...


حبك شامة بخدودي ودكــــة
واحط بالكلب بسمارك وادكة
شكم دكة شفت منك ودكــــة
ورغم كل هذا حبك موبديــة…


مثل جنح الفراشه شفاك ورقه
وربيع الشوك منك راد ورقـه
كل بوسه حبيبي اطيك ورقــه
واذا حلك ابحلك دفتر هديـه…




سكر كأس الخمر من ضاك نفسـك
واكو غيرك حلو بس ماكو نفسك
اريدك يا حبيبي اتبوس نفسـك
بس ابداخلك تنويها اليــــه...



سهام عينك بكلبي حيل شرعـا
وسفن حبك بخليج الروح شرعا
وردت مذهب يحلل بوس شرعــا
واذا ماكو ارد للجاهليـــه...



غزل عينك رهن روحي وجرهــه
وشعل نيران البكلبي وجرهـه
اريد اتمسك بشفتك واجرهــه
حتى انقل ذنوب البيك اليـة...


نشم عطرك ياغالي من هوأنـه
ونحب كلمن يحبنه ومن هوأنه
اشتظن اكدر اعوفك منهو أنه
اذا عفتك مصيبه تحل عليــه…


يراهى الطول طولك من رهاته
حط أأأأه بدليــلى مرهاتـه
ولك ليديه جفك مره هاتـــه
ولو بالغلط خلى ايدك بديـه...




يصاحب لاتظن مسرور بعـــداك
وعسى سم الزهر يندار بعداك
شيطفي الكلب من نار بعــدك
يطفيها الوكت من ترد ليــه...



كلبي مافرح عكــــــبك ولاسـار
وجدمي ماخطى الغيرك ولاســــار
اخبرك مابقت جلمه ولاســــــار
فضحني الدمع من غصـــبن عليـه…



جفك ارد اضوكن مستــــمـرة
وغيرك لو يمسني مســــتمرة
يبو الضحكة البوجهك مستمرة
مسني واكطع الحجة علــيــة...


احبك مو فقط تـــــاكيد والا
يحبي مو زمــــان الفات ولة
اريد اسال نسيت اهواك ولــة
عفتني وفــــضلت اخر عليــة...


شعرك سرح عينن مـــاي راشي
وعسى رمشي بدونك ما يرى شي
كلي الفوك شــفتك ماي؟راشي؟
ردت اتضوكة واغمي عــــلية...



عيوني قبل كلبي كلمنــــــكم
وانة المايوم كلبي كل مــنكم
وانة اللي صار بية كلة منـكم
لان انتم لعبتم طوبـــــة بية…



سهم هجرك بلب حشاي وســــــم
يخايب ليش بية تبيع وتســـوم
اخير الروح بين الخنك والسـم
سم وخنك رادتهن سويــــــــة...



انه كلبي لغير حبك ابد مخـــــتار
وحبك صار على شخصي مثل مختـــــار
انه راح اجدد بحبك ثورة عمرمخـتار
ومن هسه اكلك فايز انه بيـــــــه...

فصوص العين فص يمي وفص لـك
يامن يوسف انت اصلك وفصـلك
اخيطك بيدي تدريني وافصـلك
واجيبك فيت يالترهم علـيـه...

موهذه البدايه وانـــت قــبلـه
واليقبلك مـن وجنـتك انت قـبله
صرت صومي وصلاتي وانت قبلـــــه
وفرض سادس صرت انته علـيـــــه...

كلبي اشمــا اطشره يرد صـامت
وروحي من حزنهه اعليك صامــت
شما اخلي الجهاز بوضع صامــت
يصرخ مــن تــدك انـــت عليه...

صعت وانه بجزيره ومره صـيدك
ومره انت صدتني ومره اصـيدك
دولار واحد دصرف من رصيـــدك
دولارين ادزلــك بس حـن عليه...



العشك يكتل ياصاحب وانته داري
هاك الكلب يمـــك وانتـه داري
انته اهـلي وعمامي وانته داري
وانته امــي وابـوي وخال اليه...

لاذ بكلبي شوكك وانتقل بيــه
صعد للراس حبك وانتقل بيــه
احب اشلون غيرك وانته قلبـي
وانه بكلبي احبن مو بديـــه…

اذا لجلك فديـت الـــروح من دم
علـــيك العين تهـمل دمع من دم
واذا عمــري كضيته ويـاك من دم
لان طبعك حلو ونفســــك ابـيــه...

صورتـــك ملك نسخه من جمالـك
يال محمل ذهب لولي من جمالـك
اون واصفن واتعب مـن جمــالك
لو فتت بالمنطقه اطكـلك تحيه…


بمشيتك مااظن يمشي مـلازم
وحسنك منكتب عنه بمــلازم
حبيبي لاتحط احمر مـــلازم
شفتك والورد صارن سويــه...

روحي وي الصبر بجفاك جلـده
ومنو مثلك حرير اللمس جلده
اتعاقب وانضرب ستين جــلده
وبس وياك كعده اتصير اليـه...



تره الواشي عرف سرنه وشاعه
وابد لتظن حبي جذب واشاعـه
انه لكلبي خذت صوره واشاعه
طلع مكتوب احبــــك للمنيه...

الك دوم اتعنه واصــل بـيك
وعنادك وين يبنادم وصل بيك
حبيبي وشايل بجيبي وصل بيك
وباجر بيك انــه مطلع هويه...

عنيت وبس عليك الجدم يعنـي
ولاغيرك الي بالناس يعنـــي
اكله اشكد تحبني يكلي يعني
شنو اليعني منو يفسرهه اليه…



أتمنى ان تنال اعجابكم

جـيـفــارا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نديم السامرائي
نائب المدير
نائب المدير


عدد المشاركات : 75
رقم العضوية : 8
نقاط : 2739
تاريخ الميلاد : 27/03/1988
العمر : 28
الانتساب للمنتدى : 28/09/2009
علم دولتي : العراق
الــــــــمـــــــــزاج : يراقب
ذكر

مُساهمةموضوع: رد: جايبلكم مجموعة ابو ذيات تخبل واتمنى تشوفوها حبايب...   2009-10-08, 03:23

انه كلبي لغير حبك ابد مخـــــتار
وحبك صار على شخصي مثل مختـــــار
انه راح اجدد بحبك ثورة عمرمخـتار
ومن هسه اكلك فايز انه بيـــــــه

فصوص العين فص يمي وفص لـك
يامن يوسف انت اصلك وفصـلك
اخيطك بيدي تدريني وافصـلك
واجيبك فيت يالترهم علـيـه

موهذه البدايه وانـــت قــبلـه
واليقبلك مـن وجنـتك انت قـبله
صرت صومي وصلاتي وانت قبلـــــه
وفرض سادس صرت انته علـيـــــه


كلبي اشمــا اطشره يرد صـامت
وروحي من حزنهه اعليك صامــت
شما اخلي الجهاز بوضع صامــت
يصرخ مــن تــدك انـــت عليه

صعت وانه بجزيره ومره صـيدك
ومره انت صدتني ومره اصـيدك
دولار واحد دصرف من رصيـــدك
دولارين ادزلــك بس حـن عليه



العشك يكتل ياصاحب وانته داري
هاك الكلب يمـــك وانتـه داري
انته اهـلي وعمامي وانته داري
وانته امــي وابـوي وخال اليه

لاذ بكلبي شوكك وانتقل بيــه
صعد للراس حبك وانتقل بيــه
احب اشلون غيرك وانته قلبـي
وانه بكلبي احبن مو بديـــه

اذا لجلك فديـت الـــروح من دم
علـــيك العين تهـمل دمع من دم
واذا عمــري كضيته ويـاك من دم
لان طبعك حلو ونفســــك ابـيــه

صورتـــك ملك نسخه من جمالـك
يال محمل ذهب لولي من جمالـك
اون واصفن واتعب مـن جمــالك
لو فتت بالمنطقه اطكـلك تحيه


بمشيتك مااظن يمشي مـلازم
وحسنك منكتب عنه بمــلازم
حبيبي لاتحط احمر مـــلازم
شفتك والورد صارن سويــه

روحي وي الصبر بجفاك جلـده
ومنو مثلك حرير اللمس جلده
اتعاقب وانضرب ستين جــلده
وبس وياك كعده اتصير اليـه



تره الواشي عرف سرنه وشاعه
وابد لتظن حبي جذب واشاعـه
انه لكلبي خذت صوره واشاعه
طلع مكتوب احبــــك للمنيه

الك دوم اتعنه واصــل بـيك
وعنادك وين يبنادم وصل بيك
حبيبي وشايل بجيبي وصل بيك
وباجر بيك انــه مطلع هويه

عنيت وبس عليك الجدم يعنـي
ولاغيرك الي بالناس يعنـــي
اكله اشكد تحبني يكلي يعني
شنو اليعني منو يفسرهه اليه

اسف شباب لان صار دمج الخط كلش ضعيف واتمنى تكون مفهومه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انا درع للطغا
مشرف
مشرف


عدد المشاركات : 1720
رقم العضوية : 13
نقاط : 5253
تاريخ الميلاد : 11/01/1988
العمر : 28
الانتساب للمنتدى : 21/09/2008
علم دولتي : العراق
الــــــــمـــــــــزاج : صشبيض
ذكر

الاوسمة
 :  

مُساهمةموضوع: رد: جايبلكم مجموعة ابو ذيات تخبل واتمنى تشوفوها حبايب...   2010-05-03, 19:33

يسلمووووووووووووووووووووووووووووووووووووووووووووووووووووووواااااااااااااا
يسلموااااااااااا من يمنا لطرمت بيتكم وبارك الله بيك يلغالي المزيد افضل انشاء الله

منتديات تكريت الحبيبية





.

.

.

تــــــــوقــــيـــعـــــــــي
حبيبي ياعراق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جايبلكم مجموعة ابو ذيات تخبل واتمنى تشوفوها حبايب...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تكريت _ منتديات تكريت الحبيبة _ منتديات جامعة تكريت :: !۩۞Ξ…۝…Ξ۞۩قسم الشعر العام والمنوع ۩۞Ξ…۝…Ξ۞۩ :: منتدى الشعر الشعبي العراقي-
انتقل الى: