منتديات تكريت _ منتديات تكريت الحبيبة _ منتديات جامعة تكريت
أهلا وسهلا بك عزيزي

الزائر المنتدى انتقل الى هذا الرابط

http://eb2a2.com/vb/index.php


منتدى , ثقافي , اجتماعي , شبابي
 
الرئيسيةس .و .جبحـثالأعضاءالمجموعاتالتسجيلدخولدردشة تكريت الحبيبة للأعضاء فقط

شاطر | 
 

 جاك وروز بالعراقي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حمزة الدوري
الـمدير العام
avatar

عدد المشاركات : 2166
رقم العضوية : 25
نقاط : 56874
تاريخ الميلاد : 02/02/1993
العمر : 24
الانتساب للمنتدى : 21/09/2008
علم دولتي : العراق
الــــــــمـــــــــزاج : رومانسي
ذكر

الاوسمة
 :  

مُساهمةموضوع: جاك وروز بالعراقي   2009-07-27, 04:08

هم هلاوووصباحو ورد على عيونكم
ان شاء الله الكل بخير
عيني شوفو هاي تايتنك بالعراقي تحشيش مو طبيعي ويارب يعجبكم...


المشهد الأول
جاك بالبانزينخانة مال تايتنك ديعامل على قنينة غاز
- ابيش هذه القنينة المدعبلة ؟؟؟
- هاى !!
- اي اي دنطينياها رحمه الوالديك وهسة انطيك 15000 لك بسرعة مو جدر الباجلة عال نار و خلصت القنينة شنتغدة؟ كركم؟؟ لك فضها
- ماشي انطيني 20000 و اخذها
- عمي براس تايتنك يم ساحة القبطان ب 12000 شنو شفتونا شكر و حلوين عبالكم هنود؟
- شنوووووو؟؟؟؟؟؟؟
- لا هيج (هراتي بس ما أيعوعي ) كلي تعرف بالسفينة ركّاع؟ مال قنادر؟ لقد انثقب حذائي لأنه طفيت الكطف مال الكريفن بالطركة و اريد اصلحة ,,
- اكو واحد ب Titanic Mall يفرمت طركات و ينصبلك طركة Service Pack 2 و أسعاره زينة و بالمناسبة ترة اذا تريد نفط هم عندي لان هنا الكهرباء بتايتنك مو سوة
- ليش؟
- لأن الكهرباء تشتغل على الرياح يعني من تكب عاصفه اتدور المحركات و الهوة هنا 4 ب 2
- يا للهول!!!! يا للمطبخ!!! يالغرفة الخطار لن اشتري منك شيئا فأنا عاوي و لا املك شيئا من الفلوس (كلي اكو ابو صيرفة هنا...؟؟)
المشهد الثاني
جاك يتعرف على روز
و مضى جاك يدعبل القنينة برفسات هادئة و مما ساعد على ذلك ان طركة حذائة كانت من باتا مما ادى الى تقليل الاحتكاك و سلامة جعب رجله الايسر و هنا ( ددددممممم ...... هاي موسيقى تصويرية مو صوت عبوة قابل وين كاعدين؟؟(جاءت روز.............. و أزبهل جاك وانحولت عيناه بحيث صاروا يشمرن وحده يمنةوالخ يسره و تمنى لو كان هنالك أبو ميزانية و بلنص من الشيخ عمر ليعيد اليه توازن عيناه اللتين سيطرت عليهما هذه الملاك ثم اتخربط ولم يعد قادر على دعبلت قنينة الغاز لا هواي تغدينا
ما هذا الملاك؟؟ ما اجملهاوبأغنية أم شامة اخذ يعبر عن اعجابه بها
كانت روز تلبس عباية سودة امشككة (طالبتها من عركة) و نعالا لازورديا ابو الاصبع و كانت تحمل 12 كرصة خبز اشترتها من (افران الحاج ابو تايتنك) فران السفينة الاشهر (لي هسة ما منعلس شعجب) و تعلج بعلج كبير و تطكطك العلج بحلكها بكل دلال مو دلال عبد العزيز شبيكم لا و اخذت تنظر الى جاك بفضول و هية تسأل نفسها (ياااي شكد حلووو احلى من كارتون توم و جيري بلكت يجي يخبطني من اهلي ) و فكرت كسندريللا ان تنجبح أرضا فتتعثر بوصلة مال مسح فتترك نعالها يسقط بالكاع ليظفر به أميرها لينالها حبيبة له
- هلو شلونج ممكن اتعرف عليج اني معجب
- معجب لو قاموس؟؟
- لا قاموس مال حلاقة
- حلاقة عاطفية؟؟ حلاقة زمالة؟؟
- شنو زمالة شنو صخلة لج بسفينة كاعدين لو بزريبة امشي طلعي جوة (لأن همة أصلا برة)
- لك انتة صدك ما تستحي طلكني يللا
- ولو احنا اصلا ما متزوجين بس انتي طالق
روز راحت الى أمها أيزيتا تبجي و تلطم و الحاج ابو روز (حجي خلف شنتوف) راد يسويها كعدة مال فصل (فصل الربيع لأن الجو حلو ممطر يعني على عجاج و حالوب يعني جو استوائي مال اسكيمو) المهم يابه فظوها للسالفة و اتفقو انه صار سوء فهم و بعد العداوة صارت حبيات و غراميات
المشهد الختامي
جاك ديمشي و يكرز حب و يوكع بالكاع (اي عمي حقة هسة ليش ما ايوكع ع الكاع قابل تايتنك مال الخلفوه ؟؟؟ ) وأذا هناكة فد بستوكتين جانت بالكاع و اذا جاك جرررب اتعثر و وكع بالكاع و كام يصيح الحكوولي اويلي ... اااخ كصتي .... لقد أصبت في لقد انجرحت كصتي و كام يطلع منها الدمائو ( اي طبعا يطلع دم لعد شيطلع سفن لو كولا ؟؟)
أجتة روز و كللتله : ثول يا حبيبي جا غير تنتبه مو اليوم زواجنا شطلعك؟
- لا يا حبيبتي انها تلك البستوكة اللعينة كم أمقتها لعد وضعوها امامي لكي اتدعبل و انجبحو بالكاعي حتى حبنا يعض الطركتو ( ديهذري من ورة الوكعة خصم الحجي معليكم منه)
- والله لو كانت بستوكة اللورد ويلسون جفجينكو نفسه فأنهم لم يمنعوننا عن بعض و لتسقط كااافة بساتيك العالم
- لقد انعوجو خشمي حتى صار كأنه عوجية مال بيبيتج فهل انتي بعدجو قابلة بيه كزوج الج رغم هاي الطركاعتو؟؟
- نعم و نعمين و 3 انعام يا حبيبي فأنت بألنسبة لية كأنك قنينتو غاز توها متروسة ولن أبدلها ولا حتى ب تنكر نفط ابو 120000 لتر قطر سريع الأشتعال
- بورك فيكي حاتة نجيبة و بنتون مؤدبة و سيبقى حبنا مثل شبكة عراقنا... ويانا وين ما انروح
- هلم بنا الى خياطة صديقتي تخيط لك كصتك وتجعلو لك سحابا فوق حتى لا ينفتح الجرح
- كلاا اني افضل الدكم ( و هنا موسيقى تصويرية ما اعرف شنو هي بس اتوقع مال يا كاع ترابج كافوري)
- حبيبي جاك لا تنسى موعدنا في الخرابة اللي بنهاية تايتنك حيثو الاجواء الرومانسيه الرائعة و سأجلب لك ما تتمنى هدية حبي لك
- جدر دولمة؟؟اويلي الله ادري بيها راح اجيبلي جدر دولمه وتجي تبا لها انها تصيبني بالاسهال يا حبيبتي ياحبذا لو كانت صينية طاطلي من صنع يدي أمك الكونتيسة نشمية
- حبا و طاعة يا مولاي جاك و لكني ساتأخر اليوم لأننا نريد أن نفرش الزوالي في كابيتنا لأن السفينة تتجه الى منطقة البحار الباردة (أجة الشتة) و يجب ان نشتري سخانا نفطيا جديدا ( ابو ال 10000 مستعمل من سوك تايتنك القديم)
- حسنا يا حبيبتي كنت أتمنى ان ابعث لك بقبلة هوائية لكن حلكي متروس عمبة اخاف عليكي من الرائحة الفتاكة فهي مهلكة لك
- روح غسل حلكك ولك مو ريحة العمبة صارلها شهرين شنو تشرب العمبة بكصبة؟؟ والله موتتني
أخيرا,, غرق السفينة
و هنا بدأت تايتنك تهتز بعنف كأنها منغولي و ركب مرجوحة و صارت روز تنجبح كل مترين و هية تقول
- لك هاي شنو؟؟ سيارة مفخخة بنص السفينة يبووووووووووووووووووووو
- لا حياتي شنو مفخخة وين كاعدين بالعراق؟؟ لا انها أغلب الظن ديناصور تاه من امه و صعد هنا
السفينة تغرق انجو بحياتكم,,,,,, السفينة تغرك ,,,, الطركاعة دا تغرك
وقف الكابتن صيهود مسؤول تايتنك و هو يقول ساعة السودة على هالفيتر يكللي بس بلكات لك يا بلكات لك يا عزة بعينك مو حتى الدشبول مال تايتنك انترس مي عزززة الحك اخذ الاجازة و السنوية خاف يلزمني ابو مرور بجزيرة صخام نعلى على ساعة السودة اللي صرت بيها كابتن شنو كابتن ؟؟ اي قابل أحمد راضي أني؟؟؟ مو جنت دوّار افتر عالقواطي الفارغة مال سفن و بيدي كونيتي معزز مكرم نعلى على و التفت الى العالم الواكفة وراه وصاح بأعلى صوته
ياقوم,,,, ولكم تايتنك أنعلسسسسسسسسسسسسسست
- ولج روز
- ها؟؟
- و زقنبوت اكو وحدة اتكول الحبيبها ها؟؟ و وجع المهم مو موضوعنا اكلج شنو ماطرة؟؟
- كلا يا حبيبي لم السؤال؟؟
- لج اشو الكاعية كلها مي ؟؟ شنو المجاري مال السفينة طافحة؟؟
- لا يا حبيبي لا اعتقد لأن أمانة تايتنك شغلها مضبووط
- وج لعد اكو بوري مكسور بالسفينة لا للللج لج الحكي غركنااااااااااااااااااااااااااااااااا
و هكذا راح جاك و روز بالزلك

منتديات تكريت الحبيبية





.

.

.

تــــــــوقــــيـــعـــــــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن المجمع
Admin
avatar

عدد المشاركات : 828
رقم العضوية : 48
نقاط : 54298
تاريخ الميلاد : 20/05/1988
العمر : 29
الانتساب للمنتدى : 15/09/2008
علم دولتي : العراق
الــــــــمـــــــــزاج : احبة
ذكر

الاوسمة
 :  

مُساهمةموضوع: رد: جاك وروز بالعراقي   2009-07-28, 02:49

study شكرا وردة قصة روعة عاشت ايدك

منتديات تكريت الحبيبية





.

.

.

تــــــــوقــــيـــعـــــــــي
عدد مشاركاتك 0} يا {زائر}




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق البرشا الكتلوني
مشرف منتدى عشاق النادي البرشلوني
مشرف منتدى عشاق النادي البرشلوني
avatar

عدد المشاركات : 658
رقم العضوية : 15
نقاط : 3829
تاريخ الميلاد : 19/07/1990
العمر : 27
الانتساب للمنتدى : 30/07/2009
علم دولتي : العراق
الــــــــمـــــــــزاج : صثب
ذكر

مُساهمةموضوع: رد: جاك وروز بالعراقي   2009-07-31, 19:28

شكراااااااااااااا واله قصه جدا مبدعه وان شاء الله نوسع اكبر



يسلموووووووووو تقبل مرور ي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انا درع للطغا
مشرف
مشرف
avatar

عدد المشاركات : 1720
رقم العضوية : 13
نقاط : 5486
تاريخ الميلاد : 11/01/1988
العمر : 29
الانتساب للمنتدى : 21/09/2008
علم دولتي : العراق
الــــــــمـــــــــزاج : صشبيض
ذكر

الاوسمة
 :  

مُساهمةموضوع: رد: جاك وروز بالعراقي   2009-08-04, 05:19

هههههههههه عفيه على كاتب هذه الموضوع كم شهر حتى كملته

منتديات تكريت الحبيبية





.

.

.

تــــــــوقــــيـــعـــــــــي
حبيبي ياعراق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حمزة الدوري
الـمدير العام
avatar

عدد المشاركات : 2166
رقم العضوية : 25
نقاط : 56874
تاريخ الميلاد : 02/02/1993
العمر : 24
الانتساب للمنتدى : 21/09/2008
علم دولتي : العراق
الــــــــمـــــــــزاج : رومانسي
ذكر

الاوسمة
 :  

مُساهمةموضوع: رد: جاك وروز بالعراقي   2009-08-11, 09:41

يدللو حبي عاشت الايادي على المرور

منتديات تكريت الحبيبية





.

.

.

تــــــــوقــــيـــعـــــــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: جاك وروز بالعراقي   2009-08-21, 20:08

ههههههههههههههه شكرا على الموضوع الحلو لك هذه تحشيش طاك تقبل مروري
الرجوع الى أعلى الصفحة اذهب الى الأسفل
ابنtikret
مشرف
مشرف
avatar

عدد المشاركات : 664
رقم العضوية : 16
نقاط : 3973
تاريخ الميلاد : 17/07/1990
العمر : 27
الانتساب للمنتدى : 29/07/2009
علم دولتي : العراق
الــــــــمـــــــــزاج : مستمتع
ذكر

مُساهمةموضوع: رد: جاك وروز بالعراقي   2010-05-17, 07:24

تسلم ورده عاشت ايدك موضوع روعه

منتديات تكريت الحبيبية





.

.

.

تــــــــوقــــيـــعـــــــــي










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جاك وروز بالعراقي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تكريت _ منتديات تكريت الحبيبة _ منتديات جامعة تكريت :: ζζ…ΨΏΨஇقسم التحشيش العام بانواعهஇ₯ ΨΏΨ…ζζ :: منتدى القصائد والشعر التحشيشي-
انتقل الى: