همه اثنينهم صدك بريئين ذيب الاكل يوسف والحرامي

*************
كلها اخلافي جانـــــــت وانه جدام
هسه انه عكبت والكـــــــل امامي

وعلى درب العدل دليتهــــــا الناس
وجان اتقاتل الكـــــل بحسامــــــي

كل همهم اجاني وكلـــــــت لاباس
ولا راويتهــــــم يــــوم انتقامـــــــي

اخوة يوسف الذبـــــــــوه بالبيـــــــر
وكل القصه شايفهــــــــا بمنامــــي

والناطور هــــــو البايـــــــك الـــــدار
كام ايجيب ويلطــــــــش اسامــــي

وهمه اثنينهم صــــــــدك بريئيـــــــن
ذيب الاكل يوسف والحرامــــــــــــي
************
كلت ما اريد اسولف عالجره وصــــــار
لان كل شي انكشف وبعيني شفتــه

شفت الباع خوته برخص الاثمــــــــان
وقبض بيده ثمن كل ذيـــــج خوتـــــــه

اذن يمكن يحق لو كلـــــــــت بــــــواك
لان اليخون اخـــــوه ايخـــــون درتـــــه

كلت يمكن غلط مايـــــدري مسكيــــن
عمه كلبه واظـــــن ضيـــــع بصرتـــــه

احذر للتوكله اجفوفـــــــك بطيـــــــب
يعض جفك تره بعضـــــة لكمتـــــــــه

وكمت اعذر العكــرب لو كـــرص ناس
لان ميشوف وبس هـــــذي قدرتــــه

واذا رايد كبــــر وبسرعــــه الريــــــح
بس مد جفـــك وجــــرب كرصتــــــه
***********
اذا حكـــــي اذا ما امنــــــت بيــــــه
ماتتأمـــــــــن بــــــزور الحيايـــــــــه

ولاتتبيت الشــــاة بحضـــــن ذيــــب
لان معروفــــه شتكــــون النهايـــــه

جربت الكــــــــلام ونومـــت شـــــاة
وردت بهاي اثبــــــت انـــــــه ايـــــه

ورديت الصبح والبــــال مشغــــــول
لن الشـــاة تحجيلـــــي الروايـــــــه

كالتلي نمت والذيــــب سهـــــــران
يدعي لربه يطـــــرد كــــل بلايـــــه

وكال انتي امانه بركبـــــة الذيـــــب
هداني الله عليج اجمــــل هدايــــه

وكال الذيب جلمه اتهـــــز الجبــــال
كال انتوا البشر غـــــدر ووشايـــــه

وصح حجيه لان من مات هابيـــــــل
ثبـــــت للغـــــــدر اول بدايـــــــــــه
جسمي بغيابك تلف ما ضل عضو صاحبـــــي
ويبسني ليل الجفه ولا واحـــــد صاحبـــــــي
ولوموتتي بشوفتك كلبي بفرح صاحبــــــــي
بح صوتي من صايحي وصوتك فلا صاحلي
وانته يبو المستحه لامطــــــر لا صاحلـــي
شالفايده من الذي بدنياي ما صاحلـــــــي
عود من اموتن يججي بجنازتـــــي صاحبـــــي