اليوم اني جايبلكم شعر تحشيشي عن البواري وما يعانيه التماسيح من قبل السحالي (ثنينهم ميكعدون راحة )

المهم قصة هذا الشعر ان احد السحالي كانت مشهورة بضرب البواري ف تصدى لها احد التماسيح بهذه الابيات






ما كلنه لا تحجون كلجن خواتي***بالنت علم مرفوع والحكم ذاتي
احجن حجي المعقول ما نزعل احنه***مو بوري ست انجات يا بعد اهلنه؟؟؟
احنه الشباب هواي نحمل بواري***عن الكلت والكال ما جبنه طاري
انه بشهر مضروب سطعش بوري***شنهو استكان الجاي جيبلي قوري
نحمل بواري هواي وشكد حملنه***ونتحمل الكلفات بس لا تملنه
شنهي انتي بنت الناس مخزن بواري***سطعش بوري بيوم تلعب اتاري

بوري معدل
السحلية حيث تقول
محبوب اليه كبل واليوم اخويه انته***بس حبك اللي مضه صدكني ما خنته



التمساح حيث يقول

من بعد خمس سنين هسه انا خيج***بس كلمه عندي وياج نعلعله ابيج




السحلية

اوي شكلت وشصار لو هيه كوه***تقبل احبك جذب لو احسن الخوه


التمساح
بوري عشر انجات وتكلي خوه***بس العشك احساس ما اظنه كوه



وبعد هذه المناضرة الشعرية نتمنى نفاذ البواري من قبل السحالي وبعد ميلكون شي يضربون بي التماسيح خخخخخخ
وفي الختام اقول لكل تمساح (الله يعينك والقلب داعيلك بس انت اذا مو كدهة شكو تحجي هههههه )

تقبلوا تحياتي وان شاء الله تعجبكم

ههههههههههههههههههههههههههههههههههههههههههههههههه


والله صدك هذا محشش عاشت ايدك عاشق لا تحرمنى من المزيد

هههههههههههههههههه تدليين بنت تكريت

عاشت ايدك يسلموووووووووو

تدللون عيوني انتوا

شكرا عاشق الوردة

مشكور ورده حلوه مثلك

يسلمو

الله يسلمكم ياربي