موضوع حلووو انشاء اللة يعجبكم عن طالبات الثانوية

قصيده تحشيش على بنات الثانويه من يتخبلن ولو هنه من كاعهن مخبلات هههههههههههه
في الثانويات متلقى بنات مؤدبات
يا صايعه ضايعه يا الكل مخبلات
والبنات على المدرسة مسيطرات
وايام الامتحانات الكل بالشوارع مفترات
وتبكي وتشكي الرحلات من كثر ما عليهن كتابات
شعر.. أغاني .. وهموم .. وكل الذكريات..
ويبدأ الدق والردح وتشتغل كل اغاني والركصات
التسخيت والعلوجة واللغوة مال حمام النسوان هواية عند اغلبية الطالبات
خو المدرسات الله يعينهم ماكو يوم طبن بشعبة الا و رناوي صاعدة على الرحلات
مها _ وسعاد _ ونجوان وباقي السحليات .. اكيد دايحات بالممرات

والحصة الأخيرة اكيد تلكاهم فالتات وبالساحة كاعدات
وميجوزن هالمرة دك وتصنيف حتى المدرسات
في درس الرياضيات المدرسة تشرح ورنا مثل فاتحة حلكها (شايفها بالصورة ) ويا مكثر منها الضحكات
وبدرس الأحياء تكول امتحان باجر تجي مها تكول لا يمعودات كله هاي اشاعات
خو بدرس العربي تشوف سعاد نايمة .. وتكول لو جنت جايبة الجماعتي النايمات ( بطانيات )
وبدرس الأنكليزي رؤى تشيل وتمشر طيارات ورقية فوق روس البنات

خو اذا جابن سيرة ولد او صورة تلكاهن مخبلات على الصوره و كلهن مشامرات

بعدين تجي اخير السنة تشتغل البرشومات
هاي بالكلينكس وكله من جوة العبايات
شي اكيد مقاريات فيعني اكيد هنة راسبات
وتجي للبيت تبجي بدموع تماسيح وتكول صوج المعلمات


ترة مو كلــ البنااااااات القليل منهم تمشي عليه هاي القصيدة

شكرا يا وردة عاشت ايدك اكيد يعجبنة والله روعة

جزاك الله خير