لاتخلـي هايمـك والله حـرام
كم انا المحتـاج والله العظيـم
لاهب الاشواق نيرانـه ضـرام
احرق لقلبٍ من اسبابـك اليـم
ليتك تشوفه قبل يمسي حطـام
تحيي اماله قبل يجلـي هزيـم
الامل باحساسك وصدق الغرام
والرجا تمشـي بخـطٍ مستقيـم
والرجى لاترمي رماح وسهـام
تغري اللي شفت به ندٍ غريـم
خلّـك بدنيـا المقيّـد بالهيـام
لين ماكفّـك بـه الحنـا تقيـم
وقتها معذور في سلّ الحسـام
دون عشٍ باركـه ربٍ عليـم
مير رجوايا ولو من بعد عـام
اعرف احوالك ومن هو لك نديم
من يثيرك لاكسى جوّك عسـام
ياترى ترجـع تذكّـر للقديـم؟
صاحبي وبرب زمزم والمقـام
ان دمعي مثل دمعـات اليتيـم
هو شعور اجتاحني بعد الكـلام
وارسمه حرف المعنّا والسقيـم
موضوع: ياترى ترجع تذكّر للقديم؟ 
2009-07-21, 01:48
