أركض . طاح اخوك ابظهره حط سچـين

بعد ماي الفرات لضيفنه نبديه.. والكطان الازرك ما نكر شصه
وكل اسباب جوعي بدون استثناء.. كلها تروح فدوة لورقة الحصة
كبل.. خطار اجاني وصادفت عوز.. على خدودي شمع ذابت الكصة
ولأن تنوري طين.. وغيرته من الكاع.. خلص عندي العجين استنسخ الكرصة
هسة شبينه ليش.. وشختلف بالناس.. اذا يلتفت ضيفك ينوكل نصه
اهلنه البيت واحد.. شو صفو ضدين.. ملة تلوم ملة وبالكلب غصة
اركض.. طاح اخوك ظهره حط سجين.. لا غيرك يذبحه تفوتك الفرصة
سكرانه العدالة.. وناس تاكل ناس.. زمن صارن خوات العلوة والنصة
طم هور الجبايش.. وانفي كردستان.. وبكلب الرمادي خنجرك رصة
ولك مو عيب.. واحنه اللي نشيل الراس.. شلون جفوفنه تكظ راسنه تكصه
اختلفنه احنه بعلي.. وبعمر وبعثمان.. ولو يدري محمد بينه ما وصّه
المحتل اطلعه.. حط اديك وياي.. يامحتل طلع بالهوسة والخبصة
كطرة حيا انا.. وانت كصّة
يعرفني النشد عني.. والتكصّة
احنه جسد واحد.. والتكصّه
جفك لا تظن كصيت اديه

الله يا شاعر المنتدى

تقبل مروري حبيبي الغالي