أجمل عُمر

أجمل عمر
أنه وياج عشرة عمر مــــــو ساعات
إذا كلبج نبض اسمعهن الــــنبــــضات
وإذا عينج بجت ما تنـــــزل دمــوع
من دم الوريد يهلــن الدمـــــعـــات
لَحنتج عشــــــك بلسان الأيـــــام
وغنيتج فــــرح وبروحي لوعــــــات
يا أجمل عمر ماينتـــــــــــهي بسكوت
ولا يكظي بسوالـــــف والحرامـــــات
إذا أنســــــى الليالي تعن الحروف
وإذا انسى ابتسامه يعنن حجايات
وإلي
إلي جرح اليبجي الصـــــخر لوعن
وليالي البعد ياما بكلـــــــــبي لوعن
شحجيلك على عيوني التحبك لوعن
كلبي الي زعل مني عليه

وإذا كلبج غفل وعـــني التهه بالغير
بعد شوكج بكلــــــبي ابد مامات
وإذا غاية هواج ويمشي ويه الريح
علي الباري يشــــــهد مالي غايات
وما ضلي مكان لجرح من جديد
بس مرخوصه الج بجروحي اللجمات
ومرخوصه اعله بالج ما امر كل يوم
وما مرخوص إليه أنساج لحضات
واكضي الليل شارد من الهموم
وتيهت الفجر من كثرة الصفنات
ويضل
يضل عمره الغلط وياك ماصح
وأدور للعذر عنوان ماصح
عليل وخلص عمري وياك ماصِح
لان عشكك مرض مختمر بيه
الج حــــق العتاب وياي كل يوم
وعلي ممنوع اعاتب(اترك الفات)
والج حق ابتسامه تمــــلي العيون
وعلي ممنوع اباوع(ماكو نظرات)
والج حق ويه غير ذوله صحبان
وعلي الشرع حرمهه(الصداقات)
والج حق الغياب بسبب مجهول
والي ماكو عذر ماكو (غيابات)
والج حق الفرح وياي مـــشروع
والي حق بمحبتج اجر حسرات
وعليمن
عليمن شخصه بي نصبه وتعالى
وعليه الساني ظل يصرخ تعالى
الي رب اليصـــــبرني تعـــــــالى
وحاشه يعوزني للغدر بيه