من اشهر المسرحيات الهندية ههههههههههه :lol!:

:السلام عليكم:
اليوم جايب مسرحية هندية طاكة

والقصة مال هنود يعني كلها جذب ب جذب
هههههههههههههههههههههههههههههه

من روائع القصص الهنديه


القصه الاولى حبيبي الى الابد
الفصل الاول

يركب باجان حصانه حتى يروح للغابه يشوف حبيبته وضرب الحصان وانطلق
طربك طربك طربك طربك طربك طربك على ماوصل الىالغابه صار الفصل الثاني

الفصل الثاني

وصل الى الغابه وجان ينزل من صهوة حصانه ومن نزل رجله جلبت بالسرج
وحاول يطلع رجله بس عاصيه حاول وحاول وحاول وحاول وعلى ماخلصها
صار الفصل الثالث

الفصل الثالث

وصار بالغابه وجان يشوف حبيبته من بعيد وجان يركض باتجاها وهي تركض
باتجاها المسافه بعيده بيناتهم هو يركض وهي تركض هو تعب كعد دخن جكاره
وعلى ماخلص رجع يركض يركض وهي تركض وجان توكع قراصتها وكفت جابتها
وشكلتها براسها وجان بعدين كامت تركض وتركض وهو يركض يركض على
ماوصلوا صار الفصل الرابع

الفصل الرابع

حبيبته من شردت من البيت لانه اهلها يريدون يزوجوها ابن الخايبه ابن عمها وهي
ماتحبه شردت وشافوها اهلها تشرد جان يضربوها طلقه بالقلب واربعه بالصدر
وعشره بالفخذ وسته اجتي بالجمجمه واربع صواريخ بعيونها واربع قذائف بالحوض
مالتها ونعال اجه ترس بكصتها ولكن رغم هذا بقت تركض وشردت رغم الدماء
الي طلعت منها ورغم شضايا القنابل الي شمرها ابن اختها الزغيروني استمرت
بالهروب وركضت مسافه من بغداد الى عمان الى ان وصلت الى حبيبها ومن وصلت
شمرت نفسها بحضنه والدم مغطي جسمها وحبيبها من شافها كام يصرخ حبيبتي
حبيبتي شبيج جان هي تكله راح اكولك بس خليها على الفصل الخامس

الفصل الخامس

جان تكله اني شردت من اهلي علمود لانه وجان بهاي اللحظه دك الموبايل مال حبيبها
والنغمه مالته موسيقى هنديه ومن حبيبته سمعت النغمه كامت تركص هي وياه ويغنون
لانه قصه هنديه بدون دك وغناء مو هنديه وراها وكعت بالكاع وكالت حبيبي بوسني
قبل لا اموت بس حبيبها جان صايم وكال مايصير من ابوسك يعني راح افطر انتظري
مدفع الافطار يضرب بالفصل السادس

الفصل السادس

وفعلا ضرب مدفع الافطار وجان هي تكول يالله بوسني قبل لا اموت بسرعه بس
هو ماباسها كال هسه بعد شويه ما اكدر
جان تكوله شوكت الافطار مالتكم جان يكول بعد شويه على الفصل السابع

الفصل السابع

بوسني بوسني راح اموت جان يكلها بعد مو هسه بعد الافطار
مالتنه ماصار يمكن على الفصل الثامن

الفصل الثامن

الحبيبه تكوم من الكاع تباوع على السماء جاي تحس نفسها
راح تموت وجان تفز وصاحت يالله بوسني بس حبيبها كال
لا ولج شوي النوب يمكن هسه على الفصل التاسع
اصبري

الفصل التاسع

\وجان يدنك حتى يبوسها بس بس طلعت ميته حبيبته ميته جان يصيح
لا لا لا تموتين اه اه وجان يحط راسه بين ايدها ويبجي ويلطم وجان بيده يلزم شفايفها
ويمسح احمر الشفايف وبعدين مسح الكحل من عينها وبعدين مسح الحمره من خدودها
وبعيدن شال الفلاش من جفونها وبعدين طلع وجها عبالك صومالية مصلبخه وبعدين طلع
سكينه حاده سكينه جبيره وجان يكص الركيه الي جايبها وياه حتى يفطر واكل الركيه كلها
وبعدين اكل الكشور وبقه كشور للسحور ومن خلص شال حبيبته حتى ديفنها وحفر بالكاع
وكل مايحفر حفره يطلع بتيته يحفر هناك يطلع بتيته بطاطا حوالي جمع اربع اطنان من البتيته
وكعد يكشر البتيته حتى يسويها فنكر جبس وحمس وياها اربع بيضات وصار بيض وبتيته
ومن استوت راد ياكل بس اذكر حبيبته الميته انسدت نفسه عن الاكل وما اكل وبعدها
البتيته والبيض على حالها وراها كام باجان واخذ حصانه وراح الى بيتهم وبقت حبيبته
بالكاع والبيض والبيته على حالهم ومن ركب الحصان القى النظره الاخيره على البيض
والبتيته وكال لو حاط شويه بهارات هنديه جان طلعت اتخبل نسيت ماحطيت مع الاسف
وراح الى ان وصل الى البيت لكة حبيبتة تنتظرهه بالباب فاعل خير شايفهه ومعالجهه وطلعت بنتة بالنهاية

هههههههههههههههه شكرا ابن تكريت يا غالي اعجبني هذا الفصل من المسرحية

ههههههههههههههههههههههههه عمي فضها ههههههههههههههههه

ههههههههههههههههههههههههههههه شكرا يا ورده تقبل مروري

احلا مرور والله حياك الله

ههههههههههههههههههههههههههههههههه تسلم

هع هع هع هع صدك هنود مشكووور

يسلمو ورده عاشت ايدك